Show all data

• Metadata

  Old Text

  • Gratia domini nostri Jesu Christi regis omnium sæculorum omnia suo nutu distribuentis regna terrarum , et rerum moderantis habenas . Ego Edgarus sub ipso sydereo rege præsidens regno magnæ Britanniæ , sæpe petitionem venerabilis et Deo dilecti pontificis Æthelwoldi super stabilitate ecclesiarum quarum ipse est infatigabilis instructor , accepi , maxime autem super antiqui monasterii restitutionem ac libertatem quod primitus Medeshamsted , modo Dei adjutorio , ac sua nostraque instantia restauratum Burch appellatur , quod scilicet quadam prærogativa gratiæ sancti Petri ac pristinæ nobilitatis eminentius diligit , recolens enim illud a pristinis regibus Wulfero necnon Aethelredo , aliisque successoribus magnifice ditatum , et regalibus privilegiis fortissime stabilitum , sed ab externo paganorum exercitu destructum , hic Dei sapiens architectus magno zelo domus Dei studuit reparare , et acquisitis et redemptis undique rerum possessionibus cum nostra regali donatione prout potuit amplificavit . Ego itaque per gratiam sancti Petri , tantique patris charitatem , atque animæ redemptionem , concedo gratantissime istud sanctum et apostolicum cænobium in perpetuum esse liberum ab omni sæculari causa et servitute , ut nullus ecclesiasticorum vel laicorum super ipsum vel ipsius abbatem ullum unquam habeat dominium , sed ipso abbate cum subjecta Christi familia in pace Dei et superni janitoris Petri patrocinio istud regente ac rege in omnibus necessitatibus adjuvante , ab omni mundiali jugo tam securum æternaliter consistat , quam liberum ab episcopali exactione , et inquietudine , ex apostolica libertate , et reverendissimi archiepiscopi nostri Dunstani autoritate cum suis appendiciis , id est , Dodethorp et Aege , et Pastone perpetuo maneat absolutum , villam quoque Undale cum toto jure adjacentium villarum quod Cathtahundred anglice nominatur , et cum mercato , ac telonio , ea prorsus libertate donamus , quatenus nec rex , nec comes , nec episcopus præter Christianitatem attinentium parochiarum , nec vicecomes , nec ulla unquam major minorve persona ulla dominatione occupare , ne de ipsa villa Undale ubi legitime consedere debet . in alium locum transferre ullatenus præsumat . sed tam abbas prædicti cænobii illud cum suis causis et legibus totum in sua potestate liberrime teneat , et quando vel in quo loco sibi placuerit sine ulla contradictione sedere faciat . Item terras nostro adjutorio vel dono vel optimatum meorum per præfatum episcopum eidem monasterio adjectas quæ hic ex parte titulantur , id est Barwe , Wermington , Ege , Thorp , et Dodisthorp ac unum monetarium in Stawmford in perpetuam libertatem concedimus . Sint ergo tam istæ villæ quam cæteræ omnes quæ ad ipsum monasterium pertinent cum universis rebus et rationibus suis , et totum quod appellatur sacha , et socne ab omni regali jure et ab omni sæculari jugo in æternum liberæ et in magnis et in minimis , in silvis , campis , pascuis , pratis , paludibus , venationibus , piscationibus , mercationibus , teloneis , omnium rerum procreationibus Dei beneficio provenientibus : concedimus etiam partem stagni quod dicitur Wiclefmere per episcopum Athelwoldum acquisitam cum omnibus scilicet aquis , piscariis , stagnis et paludibus attinentibus usque ad hos terminos circumjacentes , quorum septentrionalis est ubi primum intratur merelade de amne Nene , orientalis ad Kingesdesi , australis ad Aldwines Barwe , qui locus est in palude contra medietatem viæ Ubbemerelade . occidentalis ubi aqua de Oxbethe finitur ad terram . quæ omnia antiquitus ad illud sacrosanctum monasterium multo longius et latius pertinuisse probantur . Mercatum quoque constituimus in Burch singulare , ut nullum aliud habeatur inter Staunford et Huntndune , et ad illud damus ibidemque persolvi jubemus totum sine ulla contradictione thelonium regis quod jacet ad Hundred de Normannescros et de Wiclefmere sicut merelade venit ad aquam de Nene , et inde sicut aqua currit ad Welmesford , et de Welmesford usque ad Staunford , et de Staunford juxta cursum aquæ usque ad Croyland et de Croyland usque ad Must , et de Must usque ad Kingesdesi , et inde usque ad prædictam aquam de Weclefmere propter varia quippe lucra et corporalium et spiritualium utilitatum , hoc mercatum decrevimus illic celebrari , et undique illud requiri , quatenus et Dei ministri inde adjuventur propinquius , et a concurrente populo Christiano inter terrena necessaria , cælestia petantur subsidia , dummodo per sancti Petri quæsita patrocinia , et per missarum audita misteria secundum fidem cujuslibet ubi possint redimi diversarum offensionum debita , porro decedente abbate de eadem congregatione , fratres successorem devotum eligant , et regis favore ordinetur . Hanc igitur totius abbathiæ tam in longinquis quam in proximis possessionibus regificam libertatem ab omnibus approbatam , excepta moderata expedicione et pontis arcisve restauratione sategimus per ipsum devotissimum huius descriptionis autorem Athelwoldum a sede Apostolica Romanæ Ecclesiæ juxta primitivam ejusdem monasterii institutionem perpetuo corroborare , quam quicumque in aliquo violare præsumpserit , ipsius summi præsidis Petri et Romanæ hierarchiæ , omniumque sanctorum ordinum animadversione in infernum æternaliter damnetur . qui vero provexerit et defensaverit , in sorte electorum Dei remuneretur . sancitum est hoc privilegium anno dominicæ incarnationis 970 . terrenique imperii mei anno decimo , quod his probatis testibus cum sanctæ crucis indicio subnotatur juxta meam subscriptionem . + Ego Edgarus totius Albionis rex hoc privilegium cum signo sanctæ crucis confirmavi . + Ego Dunstanus Dorobornensis archiepiscopus hoc idem cum trophæo agiæ crucis corroboravi . + Ego Oswaldus Eboracensis ecclesiæ archiepiscopus subscripsi . + . + Gratia domini nostri Jhesu Christi regis omnium sæculorum omnia suo nutu distribuentis regna terrarum . et moderantis habenas rerum ; Ego Eadgar sub ipso sidereo rege præsidens regno magnæ Brittanniæ sæpe petitionem venerabilis et Deo dilecti pontificis Adeluuoldi super stabilitate æcclesiarum quarum ipse est infatigabilis constructor accepi . maxime autem super antiqui monasterii restitutione ac libertate quod primitus Medeshamstede . modo Dei adjutorio . ac sua atque nostra instantia restauratum Burch appellatur ; quod scilicet quadam prærogativa gratiæ sancti Petri ac pristinæ nobilitatis eminentius diligit . Recolens enim illud a pristinis regibus Wlfere necnon Æthelredo aliisque successoribus magnifice ditatum . et regalibus privilegiis fortissime stabilitum . sed ab externo paganorum exercitu destitutum . hic Dei sapiens architectus magno zelo domus Dei studuit reparare . et acquisitis ac redemptis undique rerum possessionibus cum nostra regali donatione . prout potuit amplificare . Ego itaque pro gratia sancti Petri . tantique patris caritate . atque animæ meæ redemptione . concedo gratantissime illud sanctum et apostolicum cænobium inperpetuum esse liberum . ab omni seculari causa et servitute . ut nullus æcclesiasticorum vel laicorum super ipsum vel super ipsius abbatem ullum unquam habeat dominium . sed ipso abbate cum subjecta Christi familia in pace Dei et superni janitoris Petri patrocinio illud regente . ac rege in omnibus necessitatibus adjuvante . ab omni mundiali jugo tam securum æternaliter persistat quam liberum . Sed et ab episcopali exactione et inquietudine ex apostolica libertate . et reverendissimi archiepiscopi nostri Dunstani auctoritate . cum suis appendiciis id est Doddesthorp . et Ege . et Pastune ; perpetuo maneat absolutum . Villam quoque Undale cum toto jure adjacentium quod Eahta hundred Anglice nominatur . et cum mercato ac theloneo . ea prorsus libertate donamus . quatenus nec Rex nec comes . nec episcopus preter christianitatem attinentium parochiarum . nec vicecomes . nec ulla umquam major minorve persona . ulla dominatione occupare . nec de ipsa villa Undale ubi legitime consedere debet . in alium locum transferre ullatenus presumat . sed tantum abbas predicti cenobii illud cum suis causis et legibus totum in sua potestate liberrime teneat . et quando vel in quo loco sibi placuerit sine ulla contradictione sedere faciat . Item terras nostro adjutorio vel dono vel optimatum meorum per prefatum episcopum eidem monasterio adjectas . quæ hic ex parte titulantur . id est Baruue . Wermingtun . Æsctun . Kyteringas . Castra . Eilesuurthe . Waltun . Witheringtun . Ege . Thorp . et unum monetarium in Stanforde . in perpetuam libertatem concedimus . Sint ergo tam iste villæ quam ceteræ omnes quæ ad ipsum monasterium pertinent . cum universis rebus et rationibus suis . et toto quod apellatur saca et socne . ab omni regali jure et ab omni sæculari jugo in æternum libere . et in magnis et in minimis . in silvis . campis . pascuis . pratis . paludibus . venationibus . piscationibus . mercationibus . theloneis . omnibusque rerum procurationibus . Dei beneficio provenientibus . Concedimus etiam dimidiam partem stagni quod dicitur Witlesmere per episcopum Adeluuoldum acquisitam . cum omnibus scilicet aquis . piscuariis . stagnis . et paludibus attinentibus . usque ad hoc terminos circumjacentes . quorum septentrionalis est ubi primum intratur Merelade de amne Nen ; orientalis ad Kingesdelf . australis ad Alduuines baruue . qui locus est in palude contra medietatem viæ Ubbemerelade occidentalis ubi aqua deopbece finitur ad terram . quæ omnia antiquitus ad illum sacrosanctum monasterium multo latius et longius pertinuisse probantur . Mercatum quoque constituimus in Burch singulare . ut nullum aliud habeatur inter Stanforde et Huntadune . et ad illud damus ibidemque persolvi jubemus totum sine ulla contradictione theloneum . hoc est primo de tota Witlesmere . usque ad theloneum regis quod jacet ad hundred de Normannes cros . et de Witlesmere sicut Merelade venit ad aquam Nen . et inde sicut aqua currit ad Welmesforde . et de Welmesforde usque ad Stanforde . et de Stanforde juxta cursum aquæ usque ad Crulande . et de Crulande usque ad Must . et de Must usque ad Kingesdelf . et inde usque ad prædictam Witlesmere . Propter varia quippe lucra et corporalium et spiritualium utilitatum hoc mercatum decernimus illic celebrari . et undique illud requiri quatenus et Dei ministri inde adjuventur propinquius . et a concurrente populo inter terrena necessaria cælestia petantur subsidia . dummodo per sancti Petrique sita patrocinia . et per missarum audita misteria . secundum fidem cujusque ibi possint redimi diversarum offensionum debita . Porro decedente abbate . de eadem congregatione fratres successorem idoneum eligant . et regis favore ordinetur . hanc igitur totius abbatiæ tam in longinquis quam proximis possessionibus regificam libertatem ab omnibus approbatam . excepta modo rata expeditione . et pontis arcisve restauratione . sategimus per ipsum devotissimum huius descriptionis auctorem Adeluuoldum a sede apostolica Romanæ æcclesiæ juxta primitivam ejusdem monasterii institutionem perpetuo corroborare . quam quicunque in aliquo violare presumpserit . ipsius summi presidis Petri . et Romanæ ierarchiæ omniumque sacrorum ordinum animadversione in infernum æternum damnetur . qui vero provexerit et defensaverit ; in sorte electorum Dei remuneretur . Sancitum est hoc privilegium anno dominicæ incarnationis . DCCCC o . septuagesimo secundo . meique terreni imperii anno sextodecimo . quod his probabilibus testibus cum sanctæ crucis indicio subnotatur juxta meam subscriptionem . Ego Eadgar totius Albionis basileus . hoc privilegium cum signo sanctæ crucis confirmavi . Ego Dunstan Dorovernensis æcclesiæ archiepiscopus . hoc idem cum trophæo agyæ crucis corroboravi . Ego Osuuald Eboracensis æcclesiæ archiepiscopus subscripsi . Ego Adeluuold presul consignavi . Ego Ælfstan episcopus . favi . Ego Athul pontifex consensi . Ego Æscuui abbas non renui . Ego Osgar abbas approbavi . Ego Æthelgar abbas consensi . Ego Ælfere dux . Ego Ætheluuine dux . Ego Brythnoth dux . Ego Oslac dux . Ego Ætheluuard minister . Ego Eignulf minister . Elfsi minister . Ego Ælfuueard minister . Ego Frythegist minister . Ego Thured . Ego Ulf . Ego Wlfric . Ego Osferth . Ego Wlstan . Ego Ringulf . Ego Ælfstan . Ego Æthelsig . Ego Wlfeach . Ego Æthelmund . Ego Ælfelm . Ego Thureferth . Ego Frana . Ego Frithegist . Ego Eaduuardus rex Anglorum monarchiam regiminis tenens . hoc decretum patris mei per deprecationem abbatis Aldulfi . perenniter adfirmavi . His testibus adjunctis . quos supra nominavimus . Ego Æthelredus Anglorum imperio sullimatus has donationes predecessorum meorum rogante abbate Kenulfo solidavi cum his testibus . Dunstano et Osuualdo archiepiscopis. Ego Cnut rex Anglorum Deo favente . et Ælfsino abbate deprecante . hoc privilegium cum meis optimatibus corroboravi . Ego Eaduuardus Dei gratia rex Anglorum ; hoc testamentum antecessorum meorum postulante abbate Leofrico comprobavi . et villam Fiskertune quam regina mea ipso abbate Leofrico instante per me dedit vel potius reddidit juri sancti Petri in Burch . concedo liberam . cum terris . silvis . et aquis . et omnibus rebus pertinentibus . Similiter de aliis terris . id est Æstuna . Flettuna . Overtuna . Aluuoltuna . Osgotebi . et ceteris quæ meo tempore adjectæ sunt ; concedo eidem loco saca et socna . et tol et teme . testibus regina Æadgytha . Stigando . et Aldredo . Archiepiscopis Haroldo . et Tostino cum ceteris optimatibus meis . Ego Willelmus Dei beneficio rex Anglorum, petente abbate Brand . istud privilegium in omnibus laudo et confirmo . etc .